Manchester United manager Ole Gunnar Solskjaer don run hin first press conference after the Red Devils announce am as their permanent manager.
Ole: “E dey make my head swell say dem don put me in charge for here, say make i lead us forward. I no fit use proud because no be the right word wey dey my mind. E sweet me, my head wan burst, we dey start something new. Na now the hardwork dey start.”
Solskjaer: “I go be myself, i know wetin people dey expect from me, traditions, history. I wan succeed o, i wan carry trophies. E dey hungry me to continue the work, make i dey improve the players dey go.”
Ole: “We don improve and people dey see am, we sabi say plenty work dey sha, but my players dey behave well, we dey ready.”
Ole: “When i bin get the job, we dey 11 points behind 4th. Now we don put ourselves for good position, we fit finish third self. Na short term target. Long term na how to move the club forward.”
Ole ontop facing Barcelona for Champions League: “Na tough one o, na moutain to club but we don climb some mountains before.”
Ole: “Players wey dey lose focus, no dey last at this club. We dey look forward, e get some people we wan sign, i wan make Manchester United be the hardest working team for the league. The players sabi wetin i want from them.”