Five Things wey we observe as Manchester United beat Watford 2-1: Na poor game

Manchester United bin collect three points against Watford for Old Trafford as Marcus Rashford and Anthony Martial tear net but if we go dey honest, na poor performance. The koko na say Ole don get hin first win as United manager but e gats improve the team before that Barcelona game.

The first thing wey we observe na say Watford bin play pass United for Old Trafford but wetin kill dem na say dem no dey clinical. If say dem use their chances well, dem for don win today. Na Watford play but na United win.

The second thing wey we observe na say Manchester United bin set up to counter-attack against Watford. Na great cause for concern as Watford no be big team so we dey wonder why the Reds no play attacking game. Na Ole go fit explain better.

Another thing wey we observe na say Ole bin fail tactically today. E be like say e no read the game at all. We fit understand the Pereira and Lingard sub but we no understand the Rojo substitute, na wetin make Watford score.

Another thing na say Romelu Lukaku still dey recover from foot injury, na why Ole no gree remove am from bench. Also, the United boss no wan risk am as we dey face Wolves on Tuesday, make Big Rom dey fresh for them.

The last thing wey we observe na say United midfielders Ander Herrera and Nemanja Matic dey struggle since dem return from injury. We no sabi why but dem two resemble totally different players from their previous selves before the injury.

Advertisements

Wetin you think?

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s