Five things wey we observe as Barcelona beat Manchester United 1-0

Na Scott wey boss the midfield today

Barcelona don beat Manchester United 1-0 for Old Trafford after Luke Shaw bin score the only goal of the game (Na own goal). The Red Devils gats win 2-1 or above if dem wan qualify for Semi-Final. But in the mean time, make we talk about the five things wey we observe for the game.

The first thing wey we observe na say Ole Gunnar Solskjaer don dey fail tactically. We get mad love for am as na our United person, na confirm legend but e dey struggle tactically for difficult games. E dey make substitutions wey no make sense, like say e no dey read the game at all. Na the same subs wey e do when Wolves beat us twice, na the same meaningless substitutions wey e do tonight again. Lukaku suppose finish that game, na Rashford suppose commot for Martial. Lingard no get use for this game, we no sabi why Ole remove Dalot for am. Then when e con put in Lingard, e con send am to right-wing area, then why e no allow make Dalot play there? E gats step up if e wan last as United manager. Right now, the Red Devils don lose 4 games in 5 games.

Secondly, Ashley Young na the worst Manchester United player presently. The problems with Young na say, e no fit: 1. play cross wey go beat the first defender. 2. take on anybody. 3. push counter-attack 4. do anything wey the RB role require apart from tracking back… If we no trust Dalot for RB, then we gats sign new right-back as Young no be am.

Another thing wey we observe na say Scott McTominay na the stand-out player for Manchester United tonight. We bin dey expect more from Paul Pogba but e no dey bad tonight. E bin give some good passes. Rashford bin dey sloppy, we no go blame am as e just dey recover from injury. All round, na decent Manchester United display as Barcelona no play shingbai, upon say dem get ball possession pass us.

Another thing wey we observe na say Chris Smalling bin try pass Victor Lindelof tonight, e bin keep Lionel Messi and Luis Suarez at bay for the most part. Na Lindelof wey con dey do errors.

Lastly, we believe say Manchester United go qualify if dem play like this for Camp Nou. We go ball them sote Messi go vanish.

Wetin you think?

Fill in your details below or click an icon to log in: Logo

You are commenting using your account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s