Five things wey we observe as Manchester United beat West Ham 2-1: Na lucky win, we no play well

The game today get as e be as Manchester United bin showcase their worst performance under Ole Gunnar Solskjaer but e no matter as dem still manage collect three points as them beat West Ham 2-1. The person wey score the two goals for United na Paul Pogba from penarity spot. The next game wey the Reds get na against Barcelona on Tuesday night.

In the mean time, make we talk about the five things wey we observe today:

The first thing wey we observe na say Manchester United don return back to square one performance wise. Dem dey play how dem dey under Jose Mourinho, before dem sack am. The team dey disjointed. If no be for Pogba and hin vision, the Red Devils for don lose today. The whole team bin dey upside down for the most part. Na God go save us against Barcelona. If we fit struggle like this against West Ham, wetin go con happen against Barca?

The second thing wey we observe na say Paul Pogba don show say e get leadership meantality as na him and De Gea wey save this team today. After the second goal, the French man bin call all hin teammates and e give them pep talk. That one help as they con lock shop after hin goal. As for De Gea, e bin dash West Ham their goal but as e con make that mad save to deny them goal, na wetin boost our players moral be that, to score winning goal.

Another thing wey we observe na say Ole Gunnar Solskjaer dey struggle with hin substitutions. E be like say e dey favour some players over others. Else we no sabi why e go remove Lukaku instead of Lingard. Wetin Lingard do today? How person go play total rubbish for 90 minutes? Ole gats take time or we go change am for him.

Another thing wey we observe na say Marcos Rojo and Diogo Dalot bin struggle for full-back roles. E sure me say fans don see why Ole dey prefer Young for RB over Dalot. Dalot na beast attackwise but e be chicken for defence. As for Rojo, the guy don wash pata pata, make we offload am.

The last thing wey we observe na say Manchester United don show say dem fit win ugly and na one of the features wey top teams suppose get. E don happen under Sir Alex Ferguson and e happen tonight again. The koko na make United win all their remaining games. E sure me say dem fit achieve am.

Wetin you think?

Fill in your details below or click an icon to log in: Logo

You are commenting using your account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s