Player report card ontop Manchester United 2-1 West Ham: Pogba dey shine while Lingard and Rojo flop pass

Manchester United don get back to winning ways after dem beat West Ham 2-1 for Old Trafford. Person wey no watch the match go think say na smooth sailing, e no go know say West Ham bin wan kill United for the second half. Na God save United make i no lie. The person wey score for West Ham na Felipe Anderson while na Paul Pogba score for the Red Devils.

Make we sharply rate all the players ontop how dem take perform vs West Ham:

De Gea: Na him cause the West Ham goal as e throw sloppy ball out. But e make up for am, as e make world class save to keep United in the game. 8

Chris Smalling: E bin put up another good defensive performance today, as e manage help us for back. E don improve hin game in recent weeks. 7

Phil Jones: Him self bin dey solid for back as e partner well with Smalling to reduce threat from West Ham. 7

Marcos Rojo: Na our worst defender of the night. Attack-wise na zero, defense-wise na error as dem just dey leave am inside gutter, time after time. 2

Diogo Dalot: E good for front but e dey struggle for back. 4

Fred: Na one of the hin best performances for United this season. E recover plenty balls, e dey mark o. 8

Paul Pogba: Na hin two goals wey help United today. That pass wey e throw for Martial na world class, if say Martial get sense, e for bury that ball. Thank God say na penalty. 9

Jesse Lingard: E dey useless for 90 minutes. 2

Juan Mata: Na another player wey mess up, just like Lingard. E fall my hand. 2

Anthony Martial: Hin form don drop wella. If say e dey on top form, e for don score like two goals today. E no deserve to start on Tuesday. 5

Romelu Lukaku: E bin try pass Lingard but e no position himself wella inside box. We no sabi why the best striker for this team go dey cross ball for people wey no sabi nodd. 5

Ole: We go rate am 6 as hin substitute Rashford for Mata make brain, but the fact say e bench Lukaku instead of Lingard dey confuse me. Wetin Lingard dey give this man, wey boys no sabi?


We go rate Rashford 7, we no fit rate Greenwood and Pereira as dem enter late.

Wetin you think?

Fill in your details below or click an icon to log in: Logo

You are commenting using your account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s