Manchester United manager Ole Gunnar Solskjaer don run press conference ahead of the Red Devils fixtures against Everton on Sunday.
Ole: “E sweet us say we dey look forward to our remaining games, our focus don change. We bin word after the Tuesday game, but now we dey look ahead, this week go make brain.”
Ole: “We don accept reality, we don jah. Shame no dey catch us as na Barcelona wey remove us. My players bin try their best. My players don dey work together so their moral go high as we dey enter our next three games.”
Ole: “Ander don resume training. All the players wey play against Barcelona, dey fit.”
Ole: “Na football be this. Na only two League games wey we don lose since i come here. Games wey we suppose win. Now na five games remain, we gats dey take our chances, so we fit win all.”
Ole: “Na 20 players wey train this morning, plus keepers, e no bad. Alexis and Matic bin train well yesterday, so dem go face Everton.”
Ole: “I don dey speak to the club. Make we dey realistic, we no fit enter one transfer window, go buy 7 players, no be game now, na step by step process and we go sign players.”
Ole: “I don speak to all of them separately, i don word with Martial self. Dem sabi wetin we dey expect from them. Martial get mad potential, e don sign new deal, e sabi say we believe in am, so make e just work hard.”