Ole Gunnar Solskjaer: “Ander Herrera fit start vs Chelsea, Pogba no dey leave, I no fit drop De Gea”

Manchester United manager Ole Gunnar Solskjaer don run press conference ahead of the Red Devils clash against Chelsea on Sunday. Ole’s men don lose their last three games against Barcelona, Everton and City, the Reds boss go dey expect hin side to avoid four straight defeats as e go be big disgrace on hin CV.

Ole: “I dey reason say the whole season fit make person cry, e dey weak the players, the staff. Sometimes, we don play well, other times we turn mumu but na how football take be at professional level, whether you be player, coach or manager.”

Ole on Paul Pogba: “The guy dey try for us wella and him na leader for dressing room and ontop pitch. E dey create chances, tear net, e dey do plenty work but make una remember say na human, no be spirit.”

Ole: “I fit assure una say Paul Pogba go dey here next season. Una no believe, na why una dey spread rumours up and down, but i don assure una.”

Ole: “Abi una see am say the team bin fight for each other on Wednesday. E dey pain us say we dey lose but we know say if we wan rise again, we gats stick together 24/7.”

Ole: “Make i drop De Gea? No jare, i trust am and if una go ask me, him na the best player wey United don get for the past 6 or 7 years, na world class. All footballers go pass through hard times but David go dey fine.”

Ole: “Na three games wey remain for the season, Ander dey train, e dey eager to play. E fit play sha. I think say e fit play on Sunday but no be guarantee, na two days remain, we go observe am. But e don dey train for the past two days.”

Ole: “I think say the world don change, so you no get person like Roy Keane or Steve Bruce for dressing room. We dey different but we get squad wey full with talents, and many of them be leaders.”

Wetin you think?

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s