This 2018/19 season na total failure for Manchester United as na only one top six club dem don beat for Premier League. That 1-0 win against Tottenham. But na another draw wey happen today as dem face Chelsea for Old Trafford. Na Juan Mata wey score for United. But na Alonso wey equalize after De Gea’s blunder. The Red Devils dey head for Europa League.
The first thing wey we observe na say David de Gea don fumble wella this season. E don cost United many points this season. But we like as the United players take defend am, after the game as na love and support wey e go use to recover. But na him wey cost United yet another three points today.
Another thing wey we observe na say Manchester United bin play well for first half but dem do rubbish for second half. Inshort, after that De Gea goal, dem fall apart.
Another thing wey we observe na say Manchester United striker Romelu Lukaku na confirm elephant. If say e get sense, United for don beat Chelsea today.
Another thing wey we observe na say Eric Bailly na confirm defender, Matic na mumu. Ole bin try tactically today. Alexis Sanchez don finish, e no sabi attack again.
Lastly, United’s chances on top four be like vanishing spray. Their chances of finishing top four dey very low.