Five things wey we observe as Man United draw 1-1 vs Huddersfield: Ole at the wheel, e dey drive us go Europa

Today na sad day for Manchester United fans as their club don book ticket to Europa League like say dem be EPL Dorthraki. The Red Devils bin draw 1-1 against Huddersfield Town. The Reds no fit make top four again. Make we talk about the five things wey we observe:

Firstly, Ole Gunnar Solskjaer no dey wise tactically. Plus, e no sabi make substitutions. Na wetin cost United three points. As average as Matic be, why Ole replace am with Herrera, then e con dey use Herrera as defensive midfielder. This manager dey out of depth but we go judge am fully next season. We hope say hin inexperience no go finish am.

Secondly, the United team gats sell 50% of the first team players and replace them with better players. The only fear wey i get na the fact say the work fit dey too big for Ole.

Another thing wey we observe na say Luke Shaw na good player but e fit self-destruct sometimes. Especially when e be last man. Na the same error e do against Wolves for FA Cup, na wetin e do today again as Huddersfield equalize.

Another thing wey we observe na say Alexis don play hin last game for the club. The club gats sell am this summer. E dey collect 500k as salary but e dey put in 10 naira effort.

The last thing wey we observe na the fact say our attackers na the worst. Especially that Rashford wey go dey carry himself like Ronaldo but e go dey put in welbeck effort. That guy na waste. Even Young self na waste, former attacker wey don turn right back but e still be mumu. Why Ole dey favor English players?

Wetin you think?

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s