When the United XI drop today, we bin think say na youths go full am but e shock us as na only Greenwood wey we see. So everything wey Ole talk for hin press conference, say e go start four youths na lie. The United boss go start the same Ashley Young and Jesse Lingard wey no dey on form. The 2-0 wey Cardiff get ehn, na proof say this club (Manager & Players) na big joke. Na only God go save us.
Na the player ratings be this:
De Gea: We no go blame am for the goals. 4
Ashley Young: Garbage in, Garbage out. 1
Phil Jones: E injure but e manage play 45 minutes. 5
Chris Smalling: E just dey jare 4.
Diogo Dalot: E dey allow make attackers carry am run. 3
Paul Pogba: E flop jare 3
Andreas Pereira: E flop like Pogba 3
Scott McTominay: E no impress me today. 3
Jesse Lingard: E dey waste space 2
Marcus Rashford: This guy get Cristiano Ronaldo ego with Mr Ibu abilities. 3
Mason Greenwood: Na the best player for us today but e miss many chances. 6
Gomes: E never mature, 3
Valencia: We no go rate am, as na hin send-off today.
Martial: E sabi dribble but hin end product na zero. 2