Manchester United don finally unveil their first player of the season, Daniel James. The Red Devils bin sign am from Swansea City on Five Year deal, e fit extend am by one year.
Reds boss Ole Gunnar Solskjaer don yarn ontop the signing.
Ole: “Daniel na young player wey sabi play wing, e sabi dribble, e dey see things, e sabi run and e dey behave well. E try last season for Swansea and i believe say e get United DNA for hin body.”
Ole: “E sweet us say e don sign and we dey look forward to seeing am for pitch. Here na the best place for Dano Milk to improve himself.”
The new signing Daniel James aka ‘Dano Milk’ don yarn ontop the signing self.
Dano Milk: “Na one of the best days for my life and e dey hungry me to kick ball. The Premier League na the best League for this world and Manchester United na the best place wey go fit me as i dey develop myself.”
Dano Milk: “My head dey swell, my family self wan mad. But e dey pain me as my papa no fit share this joy with me. E dey sweet me to work with Ole, i wan meet my teammates and i wan start.”