Manchester United don announce say Juan Mata don renew hin contract. The new contract wey the Spaniard sign with United go expire in 2021. E fit extend am by one year.
Juan Mata don react ontop the new contract wey e sign.
Mata: “E dey make my head swell say i fit dey rep big club like United. I don dey United for five years and e sweet me say Old Trafford don become my home. Na God wey save me from that dustbin (Chelsea).”
Juan Mata: “E sweet me to work with Ole and hin coaching team. I dey look forward to Europa League and e sweet me say i dey part of am.”
Ole Gunnar Solskjaer don praise the Spainard and e talk say e get United DNA. But if i go dey honest, this United DNA na scam because we no sabi wetin Mata dey bring to the table ontop pitch. Him na great guy but if we wan move this club forward, no be people like Mata we need. E suppose dey run charity for us.
Ole: “Juan na great guy, Him na the perfect example for our young players. E get United DNA and e sabi our history now.”
Ole: “Juan dey ball wella for pitch o. Apart from that, e get experience so e dey show our young men the way. E go show them how to ball fire for Europa League. E sweet me say e don sign o.”