As we don enter July like this, e mean say na next month wey Premier League dey return and many United fans go like see whether the team dey good enough to compete for top four under Ole Gunnar Solskjaer.
The Red Devils dey open their campaign with fixtures against Chelsea and Wolves. We believe say na real test for Ole to show say e no come look uche face. We dey expect 4 points after the first two games (draw vs Chelsea, and win vs Wolves)
Fans go like sabi if Wan-Bissaka go gel into the team as e go mean say Ashley Young go roast for bench. We go also wan know how Daniel James go fit into the team. But we believe say James go need time to settle wella inside United.
Also another reason why we dey look forward to August na because MUIP FPL dey kick-off on August 9th. The first MUIP FPL competition bin happen last season and e make brain but we believe say next season’s own go be way better as N500,000 dey up for grabs in the competition.
The grand prize na N200,000. So If you dey Nigeria, to register na must for you. You wan find out more about MUIP FPL 2019/20? Click Here