Manchester United don win their second pre-season game as dem knack Leeds 4-0. The people wey score Greenwood, Rashford, Phil Jones and Anthony Martial.
We wan talk about the five things wey we observe for the match:
Firstly, Man United bin ball fire especially for that first half. Na chance after chance wey United see. If say things bin go their way, e for end like 7-0. The team dey very solid and we hope say dem go tear teams apart next season.
Secondly, the United attack wey start impress us. That Rashford, Greenwood and Mata combo make brain. E be like say Greenwood go make name for himself next season as hin movement on the ball make brain. That run wey e make for hin goal na pure striker run.
Thirdly, Paul Pogba no dey for sale as e fit be the backbone wey go determine if United’s season go make brain. That pass wey e give Wan Bissaka still dey burst my brain.
Also, we bin like how Gomes and Chong dey link up for second half. Na wetin lead to the penalty wey Martial score.
Lastly, Romelu Lukaku fit dey on hin way out of United as e no dey part of the squad wey face Leeds today. We wan wish am all the best if na true.