Five things wey we observe as Manchster United knack Kristiansund 1-0: No Pogba, No party

Manchester United don win all their five pre-season games so far. The person wey score for them today na Juan Mata. Their next game na againstt AC Milan on Saturday.

We wan talk about the five things wey we observe for the game.

Firstly, Scott McTominay don improve well from how e take be when e break into the team. The guy dey push ball wella and na him wey see the best chance for the first half self. We wan hail Jose as na him wey give this guy chance.

Secondly, United go suffer for attack if dem no replace Lukaku. Most United fans go like make we exchange Lukaku for Dybala as some people believe say Martial fit lead our attack next season. We get mad love for Martial but e go make sense if e dey that hin left-wing as e no get body to bully defenders inside box. Also, e dey care more about take ons than scoring goals.

Another thing wey we observe na say Manchester United go dey hard to break down if Wan Bissaka fit dey without injury as the guy be like 10 people inside one. E dey block everywhere. But if United fit sign Maguire, e go make more brain.

Another thing wey we observe na say Daniel James go need time to settle down before e begin score goals. E dey sharp and from wetin we observe, na for right wing wey Ole wan deploy am. E fit no score plenty goals next season.

Lastly, Man United without Paul Pogba be like hardwork without result. Na real cause for concern. So if Pogba dey injured or e get bad game, e don be for us? Na why Ole gats put pressure ontop Woodward so e go sign Bruno Fernandes.

Wetin you think?

Fill in your details below or click an icon to log in: Logo

You are commenting using your account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s