Manchester United don confirm Harry Maguire aka ‘Maggi’

Man United don announce Maguire

Manchester United don unveil Harry Maguire aka ‘Maggi’. The Red Devils bin sign Maguire from Leicester City, na six years contract wey e sign with the club and e fit extend am by one year.

The new signing Maggi don speak ontop hin signing.

“E sweet me say i don sign for this big club. I bin enjoy life at Leicester and i wan thank everybody wey bin help me for my career for the past two years,” na wetin Maguire yarn.

“See ehn, When Manchester United bin knock on my door, i know say i go accept am. Why i no go accept am, I dey mad?. I don word with Ole and i like as e dey manage the club, e get big plans o. Una go see am soon.”

“Person wey get eyes, go see say Ole dey build team wey fit win trophies. E dey hungry me to meet my new teammates. As i dey like this, i wan make season start, my blood dey hot.”

The United boss Ole Gunnar Solskjaer don also yarn ontop the Maguire signing as e believe say the guy fit lead the Reds in the right direction.

Maggi na Red

“Harry na one of the best centre-backs for football and e sweet me say we don sign am. The guy sabi read game and hin body strong, people dey fear am.”

“Maguire na person wey no dey panic – E no dey shake when ball dey hin leg and if e dey pitch, people go know. E go gel well for this team.”

Wetin you think?

Fill in your details below or click an icon to log in: Logo

You are commenting using your account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s