Manchester United manager Ole Gunnar Solskjaer don run press conference ahead of the Premier League clash between the Red Devils and Crystal Palace.
Ole: “Diogo don wound, so e go miss ome games but we hope say e go come back after international break. The injury don dey worry am for some weeks. But na only am don injure, the squad dey the same.”
Ole: “Every single game for Premier League dey different, [Crystal Palace] dey wear iron pant. Dem get attackers wey sabi run and dem sabi do counter and dem sabi use set-piece.”
Ole ontop Paul Pogba: “Na Strongman. I don speak to am and e dey fine but e shock me say people be racist for 2019, na shame.”
Ole: “We sabi say we gats dey at our best if we wan win. We gats attack well, and we gats win the ball back fast fast if we lose am, and we gats dey use our crossing & corner kicks well.”