Five things wey we observe for Man United’s 1-1 with Southampton: We love Ole but e no get tactical sense

Manchester United don continue their horrible start to the season after dem draw 1-1 with Southampton. Right now, the Red Devils dey on 5 points after four games. Make we talk about the five things wey we observe:

Firstly, Man United midfield no get balance at all. We no know about una, but we feel say the midfield of McTominay and Pogba no fit work. None of them fit play DM, so the game no dey balanced. If say United get sense, dem for upgrade Matic but as dem no upgrade am, and dem no wan use am, na so their defence go dey suffer because no body dey guard them. The truth about the game today na say Southampton bin play pass United before Matic enter the game. This United matter dey God hand.

Secondly, Paul Pogba and Marcus Rashford bin fall our hands. Even Andreas Pereire mess up, if say the guy no be academy graduate, we for don sell am as nothing special dey hin body. Victor Lindelof be like a shadow of hin last season self, e dey cost United costly goals. E no go tey before Tuanzebe bench am with the way e dey mess up.

Thirdly, all the signings wey Ole Gunnar Solskjaer sign dey impress. Wan-Bissaka dey make tackles wey dey sweet our belle, Maguire dey calm on the ball and James don score 3 goals in four games. So hin transfers dey make brain but we go blame United for not replacing Lukaku with another striker.E go affect United bad this season. If dem get sense, dem go buy striker in January.

We also observe say Ole Gunnar Solskjaer no wan improve tactically. We love am because e be United legend but e no dey read game well and e dey struggle against managers wey get small tactical knowledge. E dey make slow and strange substitutions.

Lastly, we don observe this United team and we no sabi how dem go finish top four as dem lack fire power. The good sign na say the defence dey okay so dem no go relegate sha.

Advertisements

Wetin you think?

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s