Ole Gunnar Solksjaer don talk wetin dey him mind after today’s game

Oga Ole don talk the mata wey dey pain am for mind after the game against Leicester City.

Rashford been score at the eight minute when him convert the penalty referee give am. Oga Ole mind rest as him team don enter top 4 with the win but he say the way the guys play no make sense at all as be say the Leicester guys play wella for our own house.

Him say “make we no deceive ourselves, we play rubbish. The first twenty five minutes make brain, but we come dey lose control. When match wan come finish, we con take control back”

“Today na the first time this season apart from the game against Chelsea were we don defend as a team for long. I like the clean sheet sha”

“Make we no allow this win enter our head because we no suppose win if we wan follow wetin the boys play”

Even though him no happy with wetin the boys play, he still hail them small “You fit call am team spirit and Character. Sometimes you go play stubborn teams and we play them wella”

“Today we go collect the 3points and tomorrow we go rest, then put eyes for the next match. If you like play well but if you no score goal, no points for you”

“If to say Leicester win us, e for worse. As we win e better small and the boys don get confidence too”

The boys go try top up dia game as be say this na one of the worst performances dem don put under Ole regime.

Advertisements

Wetin you think?

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s