Manchester United goalkeeper David De Gea don sign new deal at the club until 2023, e fit extend am by one year.
The Spanish International don yarn ontop hin new contract.
De Gea: “E dey make my head swell say i don spend eight years for United and the fact say i fit continue my career for here dey burst my brain. When i bin come, if person tell me say i for play 350 games for United, i for doubt am.”
De Gea: “Now wey i don resolve the issue with future, the koko na to help the team sk we fit win many trophies.”
De Gea: “As me be senior man for here, i wan dey lead and i wan dey assist the small pikins so dem go sabi wetin e mean to play for here.”
The United manager don reflect ontop De Gea’s signing.
Ole: “E sweet me say David don renew hin contract. The guy don show people say e be the best in the world, no be today. The plans wey i get to take United back to the top? E dey part of am.”
Ole ontop De Gea: “The guy get hunger for success and e wan achieve more. E dey hungry me to see how we go work together to carry many trophies.”