Five things wey we observe as Man United knack Rochdale on penarity shootout

Mason Greenwood don score two goals in two games

Manchester United don wakka enter next round for Carabao Cup after them knack Rochdale for penalty shootouts at Old Trafford. At Full-time, the scores be 1-1 and na Mason Greenwood wey score for the Red Devils before them equalize. The team wey Ole’s men go face next for Carabao Cup na Chelsea but that one na tori for another day. The focus for the Reds na their Premier League clash against Arsenal on Monday.

We wan talk about the five things wey we observe against Rochdale.

Firstly, Man United dey approach games too safe. Ole fit talk say ‘na attack attack’ e wan do at United but the reality na say the Red Devils no dey attack with force, na patient build-up wey dem dey do like say dem dey fear counter-attack from opposing teams. Ole gats address this issue or United go struggle this season.

Secondly, Man United dey lack fire power. Mason Greenwood don score two goals in hin last two games for United but the problem na say apart from am, our other players be people wey no sabi score. If United no sign attackers in January, dem no go make top four.

Man United don struggle in almost every game this season

Thirdly, Man United no dey clinical enough. The Red Devils too dey waste chances. E no go surprise us if United dey train with WhatsApp video call as dem no resemble team wey dey practice.

Another thing wey we observe na say Ole Gunnar Solskjaer no get sense tactically. E no get game plan at all. Hin pattern na ‘Anywhere belle face’. The biggest fear with hin am na say e dey panic under pressure and e no get plan B.

Lastly, we wan hail our defence and Sergio Romero. If no be for them ehn, we for lose and men for finish us with banter. That goal-line clearance wey Wan-Bissaka do dey burst my brain.

Wetin you think?

Fill in your details below or click an icon to log in: Logo

You are commenting using your account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s