Five Things wey we observe as Manchester United draw 1-1 against Arsenal: Ole fit lose hin job this season

The way things dey go, Ole Gunnar Solskjaer fit end up as one of the worst Manchester United managers post Sir Alex Ferguson. The Reds bin draw 1-1 against Arsenal with goals from Scott McTominay and Aubameyang. The Red Devils only get 9 points from their opening 7 games. The way things be ehn, if United no beat Newcastle, Ole fit collect sack letter.

Anyway, make we talk about the five things wey we observe:

Firstly, the United game play na slow and steady. That ‘attack attack’ wey Ole talk last season, e don throway am inside dustbin. The Red Devils get one of the worst attack for Premier League this season and e show again tonight.

Secondly, Man United get good defence but the errors wey dey lead to goals don dey too much. If say the attack dey work, people for no notice am but as the attack dey dull, pressure dey ontop defence so any error go dey costly.

Thirdly, Marcus Rashford and Jesse Lingard na one of the worst players for that pitch tonight. Rashford no get positioning inside box at all. E no dey make forward runs wey fit make defenders to fumble. Lingard na vanishing spray.

We also notice say Daniel James na the real deal. Him na one of the best signings under Ole. Hin pace plus attitude to work help United against Arsenal tonight as e get hand for the Red’s goal.

Lastly, this United team fit no make top six. Ole fit lose hin job at the end of the season.

Wetin you think?

Fill in your details below or click an icon to log in: Logo

You are commenting using your account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s