Manchester United dey struggle to win under manager Ole Gunnar Solskjaer. Na serious problem if we go dey honest, we bin think say the Red Devils go get back to winning ways as them face AZ Alkmaar for Europa League on Thursday but na 0-0 e end.
The next game wey the Reds get na away clash against Newcastle. Anyway, make we talk about the five things wey we observe for this game:
The first thing wey we observe na say Manchester United no sabi play ball. For this game, na total rubbish them play. The Red Devils bin get 0 shot on target for the whole game. We no fit take any positives away from this game.
Secondly, if no be for David de Gea, the Red Devils for lose today as na him wey save United with some fines saves to deny AZ Alkmaar from goal. We go also praise the defence as them try to clear their lines to prevent many goal attempts.
Thirdly, United’s attack no try at all. Greenwood and Gomes flop tonight as dem no play anything at all. As for Juan Mata, we believe say e dey finished at top level.
Fourthly, the midfield trio of Matic, Mata, and Fred na total disaster as dem no control the game at all. That Fred be like head-less chicken. Matic slow and e no get football sense. Na zero.
Lastly, we believe say Ole Gunnar Solskjaer no fit lead United anywhere. E love United yes but e no get tactical sense to manage at top level.