Five things wey we observe as Manchester United beat Norwich 3-1

The Red Devils don bounce back to winning ways for Premier League after dem knack Norwich 3-1. The people wey score na Scott McTominay, Marcus Rashford and Anthony Martial. Na the first time wey the Reds dey score pass one goal since the opening day of the season.

The next game for the Reds na against Chelsea, na Cup game. Anyway, make we talk about the five things wey we observe tonight.

Firstly, the Red Devils bin play their best football this season today. That first half na superb display, if no be for Tim Krul, e for be 4-0 at half-time sef. But we dey happy with the way our strikers Rashford and Martial dey link up.

Secondly, Scott McTominay and Fred bin boss the midfield today sote Norwich struggle to see possession. We gats praise Fred as na one of hin best performances this season. Pereira try too sha, e impress me.

Thirdly, the Reds defence try today o. I no go too blame them for the Norwich goal, na McTominay i go blame self, na him wey dash them possession, dem use go score. But nothing spoil, the defence make brain. Wan-Bissaka na the best defencer today, e be brick wall. If no be for am, Norwich for don score pass one goal.

Another thing wey we observe na say Manchester United na better team when Anthony Martial dey available. The sad reality about am na say the Red Devils dey depend too much on am for quality. If e injure again, e go be another crisis?? E go pay United if dem buy one more striker in January.

Lastly, the Red Devils fit don break their bad luck jinx but enough work still dey if dem wan dey win again. Right now, the Reds next game na against Bournemouth. Na must win game.

Wetin you think?

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s