Five things wey we observe as Manchester United knack Brighton 3-1

Manchester United don get back to winning ways after dem knack Brighton 3-1. The people wey score na Andreas Pereira, Own Goal and Marcus Rashford. Anthony Martial no score but e get two assists.

The international break go happen next week so the Premier League go return in two weeks time. Make we talk about the five things wey we observe:

Firstly, na the most attacking display from Manchester United this season. This game suppose end like 5-1 if Rashford dey on top form. E suppose score hattrick but e dey miss chances up and down. Williams self miss chance, and James bin miss chance too.

Secondly, Scott McTominay and Fred bin control the midfield today. Dem no allow make Brighton see ball for the middle of the pitch sote dem con dey use crosses to trouble United’s defence, na how dem manage score. As dem score, the Reds change am for them. Na how Rashford take make am three (3). We hope say McTominay’s injury no dey serious.

Also, the defence bin play well but the person wey shine pass ma Brandon Williams. We thank God say e no get red card sha as e bin make one risky challenge. But e bin show Brighton attackers say e no be small boy.

Also, Man United dey cry out for good Number 10. We know say Pereira score and e improve compared to hin previous performances. But hin decision making in the final third dey very poor. That first goal na fluke but we go still take am.

Lastly, United still get many things to do before dem go re-enter top four race but the koko na to take things one game at a time.

Wetin you think?

Fill in your details below or click an icon to log in: Logo

You are commenting using your account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s