Five things wey we observe as Manchester United knack AZ Alkmaar 4-0: Mason Greenwood na born finisher

Mason Greenwood na the best finisher in the Man United team

Manchester United don continue their fine recent form as dem demolish AZ Alkmaar 4-0 on Thursday night for Europa League. The people wey score for the Reds na Ashley Young, Mason Greenwood (2x) and Juan Mata. The next game wey United get na Premier League clash against Everton on Sunday.

Make we talk about the five things wey we observe for the game against Alkmaar:

Firstly, Man United no play well for first half but dem con step up for second half. Na how dem take dismantle AZ Alkmaar. We dey happy with the second half performance as all the players bin step up to ensure United win. All round, we dey happy with their performance.

Secondly, Man United attack bin dey sharp today. Personally, we gats hail Mason Greenwood as e score brace against Alkmaar. We bin dey wish make e score hat-trick but e no happen. We also wan hail Juan Mata and Andreas Pereira because dem ginger wella for attack today.

Thirdly, Nemanja Matic and James Garner bin step up for second half. We bin like how dem manage control the midfield. We also wan appreciate Nemanja Matic for hin effort in the first goal. That hin pass to Juan Mata na world class, if no be for am, that goal for no happen.

We also notice say Manchester United dey high on confidence. Even though no be the same players wey play our last two games, that confidence bin spread to the players wey play today. We hope say e go continue like this on Sunday as we dey predict 2-0 win against Everton.

Lastly, Man United bin try for defence today. We wan hail Sergio Romero as any time wey e dey post, e go dey hard to score am. The guy don keep 4 clean sheets for Europa League this season.

Wetin you think?

Fill in your details below or click an icon to log in: Logo

You are commenting using your account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s