Everything to ginger una for Manchester United Vs Everton: Toffees go turn coffees

As Europa League dun dey done and dusted until February, the festive Premier League period dun start be that as Everton go waka jeje from Merseyside enta Manchester.

Ole Gunnar Solskjær dun rekindle hin side mojo for Old Trafford, as e be say fellow club legend Duncan Ferguson too dun dey buzz hin Blues again.

The match go mark the 4,000th consecutive match wey United bin dun include academy graduate for dem squad – na ogbonge milestone.

Kick-off: 15:00[Naija time]

Venue: Old Trafford

Referee: Michael Oliver

THE TOFFEES

Position: 14th

Recent form: WLLLW

Top goalscorer: Richarlison [6]

Most assists: Lucas Digne/Djibril Sidibé [3]

Previous result: 3-1 Chelsea (Calvert-Lewin x2, Richarlison)

Opponent Tori

All you gats see last weekend na as ‘Big Dunc’ dey run down the touchline, as hin dey celebrate with ball boys con join hin team huddle as Dominic Calvert-Lewin score hin second to seal the stunning victory over Agberos dem.

E con be like say Marco Silva be dead man walking until Merseyside Derby demolition last midweek for Anfield, where dem finally tear am sack letter.

David Moyes, Unai Emery and Carlo Ancelotti bin dun dey among candidates wey go be head coachii but Ferguson go dey wear hin club suit, armed with iconic sweatband for the away dugout this Sunday.

Injuries/suspensions (estimated return)

  • Séamus Coleman – rib (day to day)
  • Fabian Delph – hamstring (day to day)
  • André Gomes – hin break ankle (next season)
  • Jean-Phillip Gbamin – thigh (four weeks)
  • Yerry Mina – hamstring (day to day)

Lineup wey we dey expect

(4-4-2) Pickford; Sidibé, Keane, Holgate, Digne; Walcott, Schneiderlin, Sigurðsson, Iwobi; Calvert-Lewin, Richarlison

Quote from the boss

“United dey ball at the moment and dem be ogbonge team. E go be big ask but I dey sure say we fit give good account of ourselves. Ghetto no go hear word if we win there. But we fit do am and na wetin we go try do.” – Duncan Ferguson

Next match: Leicester City [H] 18/12

THE RED DEVILS

Four goals for just over 10 minutes from captain Ashley Young, Juan Mata and two courtesy of European specialist Mason Greenwood catapot United enta round-of-32 as Group L winners on Thursday.

Sergio Romero con earn hin 31 clean sheet ontop hin 50th appearance as Nemanja Matić return from injury.

Solskjær dun now get some real momentum as hin wan enta hectic period and e be like say the players dey for am to keep hin hands on the wheel wella.

The 4-0 loss for Goodison Park for April na arguably the Norwegian manager darkest day as oga, and this fit be hin best period since.

With the 4k milestone wey dey come, Chief Executive Ed Woodward yarn for press release: “The academy na huge part of who we be as a club and what we wan achieve.

“We ultimately wan develop young players wey dey talented enough to wear the Manchester United shirt. But we also wan develop good people.”

Paul Pogba wey dun dey out due to injury also yarn the club website: “Like I bin yarn to a lot of younger players wey dun dey with the first team, una no sabi how lucky una dey to be honest.

“Take this luck, take this opportunity because e dey very important — I yarn the guys, ‘be ready’.”

Team news

After nine changes on Thursday, be like say the starting XI go wan dey similar to the Manchester Derby and Tottenham Hotspur victories last week.

Harry Maguire and Anthony Martial na the only two to keep dem places and dey set to start,

Aaron Wan-Bissaka and Victor Lindelöf go return to back line, but with three different left-backs wey dem use for the past trip of wins, that saide fit be the most contentious position ontop pitch.

Brandon Williams energy dey totori, but hin rawness and youth still dey leave margin for error.

Young tear net midweek, and hin leadership qualities dey invaluable, but Luke Shaw show improvement for City last Saturday.

Injuries/suspensions (estimated return)

  • Eric Bailly – knee ligaments (back for training)
  • Diogo Dalot – knock (back for training)
  • Timothy Fosu-Mensah – knee (back for training)
  • Paul Pogba – ankle (day to day)

Lineup wey we dey expect

(4-2-3-1) De Gea; Wan-Bissaka, Lindelöf, Maguire, Shaw; McTominay, Fred; James, Lingard, Rashford; Martial

Quote from the boss

“The challenge for us now be when team play different way against us. I dey sure say the last few games and results dun give us the kick up the backside wey we need.” – Ole Gunnar Solskjær

Next match: Colchester United [H] 18/12

POTENTIAL KEY BATTLES

– Marcus Rashford vs Djibril Sidibé

– Scott McTominay vs Gylfi Sigurðsson

– Victor Lindelöf vs Richarlison

MATCH FACTS [FotMob]

  • United dun win 36 of dem 54 Premier League games against Everton (D9 L9), more than any side dun win against another for the history of the competition
  • Everton dun win just one of dem last 26 Premier League away games against Man Utd (D5 L20), as dem win 1-0 for Old Trafford for December 2013
  • The Red Devils dey reason to win three consecutive Premier League games for the first time since dem win dem first six under Ole Gunnar Solskjær for January
  • The Toffees beat Agberos like thief for dem last Premier League match, and dey find back-to-back victories for the competition for the first time since dem win three for April; a run wey begin with home victory over Chelsea.

We dey hope say our boys go revenge the 4-0 wey Everton trash us last season and we go con dey 2 points behind top 4, how una reason the match? Your predictions? Drop your reaction for comment section. #GGMU #MUNEVE #MUFC

Wetin you think?

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s