Today tori na about Man Utd transfer gossip and the kyn links wey the Old Trafford club get with Argentinian duo and speculates ontop future of Ashley Young.
Manchester United dey eye swoop for Argentine duo Lautaro Martinez and Leandro Paredes, as reports take yarn am.
United once again fail to capitalise on built-up momentum on Sunday as dem follow up the impressive victories against Jose Mourinho Tottenham and cross-town rivals Man City with limp draw against managerless Everton.
Ole Gunnar Solskjaer yarn ontop the club intention to strengthen the squad for January last week and e be like say e dey increasingly clear say United need reinforcements for dem final third ontop pitch.
United bin dun dey linked with host of attackers with the likes of teenage sensation striker Erling Braut Haaland, lightning fast winger Jadon Sancho and classy playmaker James Maddison as dem still dey hold strong possibilities.
Another name wey dey heavily linked na Inter striker Martinez, wey Daily Mirror claim say Solskjaer get ‘in hin sights’ along with Paris Saint-Germain midfielder Parades.
E dey reported say both players dey ‘aware of the Old Trafford interest’ and say the pair dey rated at £120million.
Martinez dun rise to prominence this season after hin blistering start to the campaign as hin dey play alongside former United man Romelu Lukaku.
The 22-year-old dun bag eight goals for 16 Serie A games to fire Inter to top table con scored another five for champions League.
Parades no dey enjoy beta as successful season and dun make just 35 appearances since hin sign for PSG last January, many of wey be say na from bench.
E dey claimed say the 25-year-old midfielder dey ‘frustrated’ by hin lack of game time, as Martinez dey ‘unsettled con fancy move wey go dramatically improve hin current wages,’ as e be say Barcelona sef dey interested.
Meanwhile, United captain Ashley Young dey brace to bring hin nine-year stay for the club to an end for summer.
Na according to ESPN wey report say Young dun ready to talk to other clubs for January, as hin United contract dey expire when season end.
Young go turn 35 for summer and dey a number of Premier League and Championship clubs dey chook eye for hin mata, as report take yarn am, as hin fit also move abroad.