Five things wey we observe as Manchester United beat Colchester 3-0

Anthony Martial don break hin village people’s jinx

The Red Devils don get back to winning ways after dem knack Colchester 3-0 for Carabao Cup semi-final. The person wey score for the Reds na Marcus Rashford, R. Jackson (own goal) and Anthony Martial. The team wey Manchester United go face for the next round (semi-finals) na Man City.

We wan talk about the five things wey we observe for the game:

Firstly, Manchester United bin struggle for first half. Dem no too see chance to score as Colchester dey play low-block. The game con change for second-half because dem wan attack United, na so the Reds use counter-attack, Matic fling ball to Marcus Rashford and e score. Personally, we feel say Ole gats address how to break down low-block teams.

Secondly, Manchester United no dey clinical enough for second half else e for end like 5-0 or 6-0. Also Juan Mata bin dey throway sloppy passes for the final-third. All round, na good performance sha.

Thirdly, Axel Tuanzebe and Harry Maguire combo fit make sense pass Lindelof and Maguire as dem no dey let in goals. We fit argue say we keep cleansheet yesterday because na one way traffic for the most part. Whether Ole go bench Lindelof for Tuanzebe, na him sabi.

Fourthly, Manchester United dey miss Paul Pogba for midfield. This game don show say, United dey lack players wey fit unlock defence wey no wan attack. Andreas Pereira and Juan Mata sabi ball but them no fit unlock defence. If Pogba come back and e dey fit, our team go dey stronger.

Lastly, we believe say Man City na big test for United. If United fit beat City, den Dem gats carry Carabao Cup.

Wetin you think?

Fill in your details below or click an icon to log in: Logo

You are commenting using your account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s