Five things wey we observe as Manchester United beat Burnley 2-0: Dem fit finish top four?

Na Anthony Martial wey score the first goal as United knack Burnley

Manchester United don jump up into fifth position after dem knack Burnley 2-0 for Turf Moor. The people wey score for United na Anthony Martial and Marcus Rashford. The next game wey the Reds get na against Arsenal.

Make we talk about the five things wey we observe as United knack Burnley.

Firstly, Manchester United bin control the game for the most part but no be their best performance this season. The Reds bin dominate the game totally for first half, but Burnley con improve for second half. De Gea bin make world class save to deny Bardsley self. All round, we dey happy with the 3 points, na the koko.

Secondly, Manchester United attackers don dey score. Rashford and Martial bin dey clinical today, na why dem score. But if say Martial get sense, e for don score two goals today. E miss some big chances but nothing spoil as the Reds win.

Thirdly, the Red Devils bin defend well today and dem manage keep clean sheet. Harry Maguire and Victor Lindelof bin dey solid at the back today. Ashley Young self try today but Brandon Williams na our best player for this game. E ball fire.

Also, we observe say Manchester United midfield bin try today. Fred and Matic surprise me as their combo make brain today. Dem no allow make Burnley see chance to dominate.

Lastly, the Red Devils fit finish top four and the players don dey feel am. The next game dey against Arsenal and e sure me say United go win again.

Wetin you think?

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s