The Red Devils go replay their FA Cup clash against Wolves after dem draw 0-0. The Reds go dey the happier of the two sides as Man United no get one single shot on target for this game.
Make we talk about the five things wey we observe.
Firstly, Man United bin try for defence as dem manage keep out Wolves for 90 minutes. We wan hail Maguire and Williams as dem frustrate Adama Traore. Victor Lindelof bin do some mistakes but e try all round for back.
Secondly, we no understand Man United’s attack today. Mason Greenwood na the striker but e spend most of hin time for right-wing than inside Wolves penalty box. Na game plan? or abi na hin own personal decision? Also, Daniel James form don drop inside gutter. E dey quick lost for matches these days.
Also, Manchester United midfield dey struggle. Matic and Pereira no fit hold ground till McTominay and Pogba come back. If the Reds no sign midfielders in January, dem go struggle.
Also, we observe say Sergio Romero dey outstanding for post. If no be for am, United for don lose today. E make two big saves to deny Wolves goal.
Lastly, Ole Gunnar Solskjaer dey always struggle tactically against Wolves coach. E dey treat am like hin oga. We hope say the United boss go win at Old Trafford during the re-match.