Manchester United manager Ole Gunnar Solskjaer don run hin press conference ahead of the match wey the Red Devils get against Chelsea on Monday.
Firstly, the United boss don confirm say no injured player (Scott, Axel and Pogba) go play the game vs Chelsea.
Solskjær: “I no believe say any injured player dey fit for the Chelsea game. Scott, Tuanzebe no train much so dem go miss am. Pogba self go miss am.”
Solskjær ontop Ighalo: “I no talk say e go play on Monday. I talk say e go dey with us, e go travel with us. We bin tell am say make e train far because of coronavirus, but the two weeks period don pass, so we look am to see whether e dey ready for match.”
Solskjær: “We dey call am for phone [Ighalo] and we dey train for here, e dey train for there. Right now, we wan blend am into the team. E don upgrade from China to Premier League.”
Solskjær: “I believe say [Ighalo] dey pinch himself at times say why e no come United before e clock 30. But e dey here because e sabi play and we hope say e go shine when e play.”