The Red Devils don finally get their first away win of 2020 as dem manage beat Chelsea 2-0 for Stamford Bridge. Na Anthony Martial and Harry Maguire score for United.
The Red Devils dey siddon for 7th position for Premier League table with 38 points. Dem dey two points behind Chelsea wey dey 4th position.
Make we talk about the five things wey we observe:
Firstly, Manchester United bin set up to counter attack but no be counter dem use score, na cross and nodd. We gats hail Wan Bissaka for hin assist, na mad cross to Martial. Then Bruno’s cross from that corner kick make mad brain.
Secondly, Manchester United centre backs try today. Harry Maguire, Luke Shaw and Eric Bailly impress me wella. Dem manage keep clean sheet, with the help of VAR.
Thirdly, Nemanja Matic bin dey slow and steady, Fred dey energetic but na Bruno Fernandes wey dictate the game. Bruno na class.
Also, we observe say luck bin dey on United side tonight as the Blues miss many chances.
Lastly, plenty work still dey to be done if United wan finish top 4 as the race don dey hot. If dem drop points again, e fit affect them badly.