Five things wey we observe as Man United knack Watford 3-0: Uncle B na baller

Bruno na star

The Red Devils don win back to back games for Premier League. Last week, dem hammer Chelsea 2-0, today dem knack Watford 3-0. The people wey score for the Reds na Bruno Fernandes, Anthony Martial and Mason Greenwood.

The Reds dey siddon in 5th place for Premier League table, na 3 points behind Chelsea and 9 points behind Leicester.

Make we talk about the five things wey we observe for the game.

Firstly, Man United bin start the game slowly and na God save dem say Watford no score. The Reds bun dey sloppy for defence in first half. If say Deeney no dey selfish, Watford for don score early goal.

Secondly, the Reds bin improve after the goal wey Bruno Fernandes score. Before that goal, dem no play shingbai. But dem step up after am. We dey happy with the second half performance. If United no dey wasteful, e for end 5-0.

Also, we observe say Bruno Fernandes dey improve the Man United team. Hin presence the boost the moral of the players. Hin decision making na confam. No be joke say e don win United’s Man of the Match awards for hin first three games.

Also, we observe say the Reds Striker Anthony Martial don find hin form back as e don score for 3 games back to back (Chelsea, Wolves, and Watford). The goal wey e score today na calm chip finish.

Lastly, we believe say Man United’s defence don improve and Harry Maguire don dey show why the Reds spend £80m ontop am. E don try for the past few games.

Wetin you think?

Fill in your details below or click an icon to log in: Logo

You are commenting using your account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s