The Red Devils bin draw 1-1 against Everton for Goodison Park. Na Bruno Fernandes wey equalize for Man United after De Gea dash them goal. The game be like one point gained, than two points dropped as e remain small Everton for win for dying minute. If no be for VAR, Everton for win today. The next PL game wey Ole’s men get na the Manchester Derby on 8th.
The first thing wey we observe for the game today na say Manchester United bin play well for first half but dem struggle for second half. The Reds bin fall apart for second half and the changes wey Ole make, no help matters. On another day, na Everton for win. If no be for VAR.
Secondly, Bruno Fernandes na the real deal but some of our attackers no understand hin game. Strikers like Martial and Greenwood suppose dey make early run but dem no dey do am. Greenwood even try pass Martial today, the French man no play well at all today. Ighalo bin miss the biggest chance of the game, e gats learn how to score when e dey under pressure.
Thirdly, we go praise Matic for hin performance today. If una go ask me, na the best United player for that pitch. E even play pass Bruno Fernandes today. If no be for Matic, Everton for don wound us. We also wan hail Fred too, e try.
We also wan praise our defenders, Maguire and Lindelof. Maguire try wella as na him wey deny Everton plenty headers. As for Lindelof, we believe say e fit lose hin place to Eric Bailly if e no sit up.
Lastly, Ole Gunnar Solskjaer bin try with hin starting formation but e fumble with hin substitutions. That Mata wey e put inside game, na waste of sub as the guy play total rubbish. Then na Martial wey e for remove for Ighalo, no be Greenwood.