How Bruno Fernandes dey improve Manchester United?

Bruno Fernandes dey improve Man United

Na no suprise to us and many United fans when Bruno Fernandes win PFA Premier League Player of the Month for February, as we believe say e deserve am.

Since wey Bruno Fernandes wakka enter the club, e don get 3 goals and 3 assists in hin 8 games for the club. Also, the Red Devils don win 5 out of the 8 games, dem draw the other three.

Before the Portuguese international bin enter United, the Reds bin dey rotate between Jesse Lingard and Pereira for No.10 role. As Jessie and Pereira no dey form, the Reds bin dey struggle to break teams down, na why dem drop many points. As Bruno show, e get key wey fit unlock any defence. Hin assist to Anthony Martial for the goal against Manchester City on Sunday na perfect example to wetin e fit do.

One of the best reasons wey we like Bruno na because e get for-sight (Before ball reach am, e don already make up hin mind on wetin e go do with am, the striker wey e wan pass to). The kind game wey Bruno dey play, dey very good for counter attack.

Many United fans still dey look forward to the return of Paul Pogba as dem don dey imagine how midfield of Pogba and Fernandes go be. We believe say if dem two link up well, dem go blow Premier League teams away.

Right now, Manchester United three points behind Chelsea wey dey fourth position for Premier League table. The next game for the Reds na against Tottenham. The Red Devils go dey count on another masterclass from Bruno Fernandes to unlock Spurs defence.

Wetin you think?

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s