Five things wey we observe as Manchester United draw 1-1 vs Spurs: Bruno Fernandes and Paul Pogba fit play together

Paul Pogba and Bruno Fernandes run show today

The Red Devils bin play 1-1 against Spurs. Na Bergwijn wey score for Spurs, before Bruno Fernandes con equalize from the penalty spot. Right now, Manchester United two points behind Chelsea but make we talk about the five things wey we observe for the game.

The first thing wey we observe na say Manchester United bin play well for the opening stages of the first half. But once Bergwijn tear net, the whole team con collapse. Na only God save dem say dem no concede another goal, else e for be defeat. Ole Gunnar Solskjaer go don learn on the players wey e no suppose dey start.

Secondly, Paul Pogba bin make massive impact when e enter the game for second half. Even before e win that penalty, e bin dey control midfield. The penalty na icing on hin cake. We believe say Bruno Fernandes and Paul Pogba fit play together.

Thirdly, Luke Shaw na complete disaster class for first half but e try for second half. For first half, e bin dey abandon hin wing and e go standa for centre-back, na only God save am say Spurs no score through hin wing. Another player wey mess up na Daniel James, we no wan see am for starting XI again. The people we go blame for Spurs goal na Maguire and De Gea.

Marcus Rashford no play well tonight

Also, we observe say Jose Mourinho bin set up to defend and counter vs Man United. Hin tactics bin click after the Spurs goal but na Paul Pogba spoil hin plan. As Pogba enter, e run show. We hope say Pogba go dey fit for the rest of the season.

Lastly, Marcus Rashford no play well today but we believe say na lack of match rhythm. Hopefully, e go play well for other games. Martial bin try but e gats improve hin sharpness infront of goal.

Till our next game, MUIP E dey kampe, we full ground.

8 thoughts on “Five things wey we observe as Manchester United draw 1-1 vs Spurs: Bruno Fernandes and Paul Pogba fit play together

  1. 😃 😃 this post made my night. Especially that place u talk say make you not see James for Stsrting XI again.😂

  2. Bros abeg you try well for this talk you no add any shuga or pepper na as e just be you talk am .I hope ole improve on e drastic for next match .thank you muip

  3. James ,martial shouldn’t be starting.
    Ole should start pairing Maguire and Bailey.
    Bruno n pogba pairing na mad, can’t wait to see more of it

  4. make ole start Ighalo instead uf martial Ighalo na sharp n na centa foward strika we want make him start dt go give Rashford relieve den make Ole also give Mason Greenwood playing tym maje he start ahead uf Daniel James, i remain Comrade/Prince Ime A Iwok

Wetin you think?

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s