Five Things wey we observe as Manchester United knack Sheffield United 3-0

Anthony Martial bin dey on fire

Manchester United don get back to winning ways after dem knack Sheffield United 3-0. The person wey score all the goals for Ole’s men na Anthony Martial. Marcus Rashford bin get two assists, while Wan Bissaka get one assist. The next game wey the Reds get na against Brighton.

We wan talk about the five things wey we observe for the game:

Firstly, Manchester United bin play pass Sheffield United from start till finish. The truth na say dem no play Shingbai. Their first shot on target bin happen after Ole Gunnar Solskjaer bin make hin five changes at once. Na God save them, e for end like 5-0.

Another thing wey we observe na say Paul Pogba, Nemanja Matic and Bruno Fernandes na the best trio for Manchester United midfield. Matic dey calm, Pogba dey dictate the game, while Bruno Fernandes dey link the midfield to attack.

Marcus Rashford bin get two assists today vs Sheffield United

Another thing wey we observe na say Anthony Martial bin dey on fire today, na why e score three goals. Marcus Rashford bin try but e no dey clinical enough, else e for don score 2 goals today. But the Reds attack bin dey sharp today.

Another thing wey we observe na say Manchester United defence bin try today, na how dem manage keep clean sheet. We dey happy for Wan Bissaka as e manage get assist.

Lastly, we believe say Manchester United don finally find their strongest eleven. If Ole get sense, e go stick to am. Mason Greenwood na starter, no be bench player.

Wetin you think?

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s