Five things wey we observe as Manchester United knack Norwich 2-1 for FA Cup Quarter-Finals: Na Ugly win

Na Harry Maguire wey score winning goal for extra time

Manchester United bin struggle to beat Norwich for FA Cup today. The people wey score for the Reds na Odion Ighalo and Harry Maguire. The person wey score for Norwich na Cantwell. If I go dey honest, the match dey very boring. But e con dey tensed when e enter extra-time as Norwich dey pray make e go penaty shootout as Krul dey their post. Make we thank God for Maguire.

We wan talk about the five things wey we observe for the game:

Firstly, Manchester United no play well for first half. The game dey one kind, Jesse Lingard bin start well then e con disappear. Juan Mata no play shingbai, Bruno bin dey struggle as fatigue dey hold am. The first half dey boring.

Secondly, we observe say Manchester United bin dey give many astray passes. The people wey give the most astray passes na Diogo Dalot and Fred. We no know wetin enter Fred today but e bin under perform. Na why Ole bin commot am after Norwich score and e replace am with Matic.

Odion Ighalo don score 5 goals in four starts for United

Thirdly, we observe say Marcus Rashford dey rusty. Since wey the season restart, e no dey at hin best. E show again today. We hope say e go find hin form as we go need am if we go lift trophy this season.

Also, we observe say Paul Pogba and Nemanja Matic bin impact the game when dem enter. Na when the game con balance and Norwich no see anything to play again. Matic don show Ole say e sabi play pass McTominay and Fred.

Lastly, no be good match but the koko na win and we go take am. Semi-Finals be our portion.

Wetin you think?

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s