Manchester United don fly enter 5th position after dem knack Brighton 3-0. The people wey score for the Reds na Mason Greenwood and Bruno Fernandes (2x). Right now, United dey two points behind Chelsea and three points behind Leicester City.
We wan talk about the five things wey we observe for the game:
The first thing wey we observe na say Manchester United bin dominate the game totally for first half. Brighton no see anything play, na Nemanja Matic, Paul Pogba and Bruno Fernandes wey run the show. Dem three na the best midfield combo for United.
Another thing wey we observe na say Mason Greenwood bin dey on fire tonight. Apart from Bruno Fernandes, him na one of the people wey play pass. Hin goal make sense, na perfect striker goal.
Another thing wey we observe na say Manchester United defence bin try today. Harry Maguire and Victor Lindelof bin impress me. Nemanja Matic na clean sheet specialist as the Reds dey keep more clean sheets when e dey pitch. We wan hail David de Gea for hin world class save.
Another thing wey we observe na say Marcus Rashford and Anthony Martial no dey at their best tonight but we go forgive am, e fit be fatigue.
Lastly, We wan hail Wan Bissaka as e get another assist tonight. The way e dey increase hin number of assists this season, e dey show people say e fit compete with Trent.